GUARANI ÑE’Ë REREKUAPAVË OGUENOHË HEMIMYASÄI TEMBIKUAA HA ÑE’ËPORÄ REHEGUA

Guarani Ñe’ẽ Rerekuapavẽ (Academia de la Lengua Guaraní) oguenohẽkuri peteĩhaite hemimyasãi tembikuaa ha ñe’ẽporã rehegua mokõi ñe’ẽme (guarani ha castellano)-pe. Oikókuri 8 jasykõime, Ateneo Cultural Lidia Guanes rógape, opytáva Pastora Céspedes 1605, tava’i Los Laureles-pe.

 

img1

Pe temimyasãime oï heta ñemoñe’ẽrã, hetave jey ojehaíva guaraníme. Ãva apytépe oĩ Guarani Ñe’ẽtekuaa (Gramática de la Lengua Guaraní), ohesa’ỹijóva GÑR Yta, Carlos Ferreira; ha’e omyesakã umi mba’e ojehupytyveva’ekue ko aranduka rupive, osẽva’ekue ary ohasava’ekuépe.
Avei, haipy hérava “Ñe’ẽryru apo oñepyrũma”, Paraguái Ñe’ẽnguéra Sãmbyhyhára, Ladislaa Alcaraz de Silvero, rembiapokue, oñeñe’ẽhápe GÑR Ñe’ẽryru apo ñemoñepyrũ rehe. Oguereko avei Guarani Ñe’ẽ Rerekuapavẽ rembiasa, ohaiva’ekue Ytamirï, Almidio Aquino.
Avei oï ipype ñe’ẽporã rehegua haipyre, ha’éva ñe’ẽpapára Lino Trinidad, Feliciano Acosta, Mauro Lugo, Ramón Silva, Lucino Rodríguez, Susy Delgado, Domingo Aguilera, Indalecio Riquelme ha Mario Rubén Álvarez rembiapokue; ha mombe’upyrusu katu haihára Tadeo Zarratea, Hugo Centurión ha Arnaldo Casco rembihaikue. Avei ko temimyasäi oguereko ipype mombe’urä mbyky, ha’éva Mauro Lugo ha Lilian Aliente rembihaikue.
Ha avei hetave kuaapy guarani ñe’ẽ rehegua, terekuára Miguel Verón ha Bernarda Ortellano rembiapokue, oguereko avei ko GÑR remimyasãi peteĩha.

img2

img3

img4

© 2018 Guaraní Ñe’ẽ Rerekuapavẽ - Academia de Lengua Guaraní
⛗ Calle Colón Nº 2095 casi Atenas, Asunción | ☎ +595 21 420524
Asunción, Paraguay | Designed by @ferremarce